Pu T.Zakunga MDC in Tuithlang lam a fang.

  Pu T.Zakunga BJP, MDC chuan kar kalta chhung khan  Lawngtlai West a khaw hrang hrang tlawhin,   ram chanchintha Lairam Thar lo thleng maitur kan mipuite hnena puang zar turin kan lokal a ni a ti. Vathuampui bial, Sekulh bial, Bungtlang South bial leh M. Kawnpui bial te tlawhin,    party dang sawichhia a, BJP a lawmluhna hun hmang tura lokal kan nilova, kan hma lawka Central BJP Sorkar in  ADC te thune
ihna lian min pek tur thu hi inhriatchian loh kan duh lova, hrilhhre tur che u in leh chumi lo thleng tur atana in lo in buatsaih lawk theihna tura lokal kan ni.  Pathian leh   mipuite zarah CEM te pawh ka lo ni ve tawh a, kan ram sum dinhmun hrechiang bertu te zing ami ka ni. Tunah kan ram dinhmun atang hi chuan midangte umphak a harsa a, chhungkua mamawh phuhruk pawh a harsa a ni. Kan ram hian dinhmun tha zawka kan din theihna turin thuneihna lian kan neih a ngai a, sum leh pai tam zawk kan hmuh a ngai a, chu thil min tihsak theitu chu Central a BJP Sorkar te hi an ni. Anni chuan min rawn bel ula, kan tihsak ang che u min tih avangin phurtakin BJP hi kan bel   a , An thu min tiam ang ngeiin min tihsak an tum a, danpui ti danglam turin ruahmanna peihfel a ni ta. Chuvangin, keini a ram mipuite hi, he thil lo thleng tur atan hian kan lo inbuatsaih lawk a ngai ta a ni a ti.

Pu T.Zakunga hi, Pu C. Lalneihkhuma Ex-MDC, District BJP Minority Morcha President pawhin tawiawmin,    dinhmun thaa min dah theitu awm chhun chu BJP Party  chauh hi an ni a, Party dang  te chuan thuneihna lian hi tun dinhmunah chuan min pe thei silova, min pe theitu awm chhun BJP hi kan belh mai a ngai ta a ni, a ti.