Eizawnna kawng a inanglova, midang eizawnna chungchang sawi hi thil nuam nichiahlo mahse, Hripui vang hian sawi a tulsi a, hri vanga kan inkhuahkhirhnate chu a nep chho viau tawh tih a chiang a, mitinin mahni eizawnna kawng kan zawh thei vek a, hetihrual hian midang tana himlo bik eizawnna erawh a awm tih a chiang awm e.
Tunlai hian In tinah kalkual a, thil zuar thin hmuhtur an awm leh nual tawh a, heng mite hi hri pudarhtu thatak an ni thei tih a chiang a, mahni kawtkaia nitin mamawh leh pawimawh dangte leimaitheih hi mipui lam tan chuan a zangkhaithlak viau rualin, kan duhloh deuh hi kan thil lei khan a chhawmtel ang tih erawh a hlauhawm viau thung si.
Heng thilzuar vakkual thin te, Cooker leh Gas Stove chhe siamthiam leh Thirchhezawng thleng hian, an kalkual hi mipui lamin kan mamawh a nih pawhin, awmzenei zawka an chetvel theihdantur hi thuneitu lam ten ruahmansak se a duhawm khawp mai.
Tunge hrikai a, kailo tih pawnlam landan atangin hriathran theih a nilova, kan dawr duh emaw duhlo emaw, kan kawngka ah an rawn dah fo hi a ngaihthatthlak lova, mahni inchhunga fimkhur taka lo che hram hram thinte tan lek phei chuan, tawngkam hriam deuh zawk hman palh te pawh thil awltak a nih theih mai pawh a rinawm a, khap a tul a nih chuan khap thuai nise, khap lemlova, fimkhur zawka an chetvel phalsak an nih pawn, kaihhruaina mumaltak siamsak nise a duhawm viauin a rinawm.