Nimina thut khawmah hian Member Secretary, Lawngtlai District Child Protection Officer Pi Mary Lalremruati'n District Child Protection Unit (DCPU) hma lakna report pein, meeting koh chhan leh thu ngaihtuah turte a sawi fiah a. Lawngtlai District chhunga naupang himna atana hma lakna dinhmun thlir ho niin, hmachhawp hrang hrangte sawi ho a ni.
He hunah hian kum 2019 April thla atanga kum 2021 October thla thlengin Lawngtlai District chhungah naupang chunga mipat hmeichhiatna lam hawia dan bawhchhiatna (POCSO case) 30 a awm thu sawi lan niin, hei hi tun hma aia a san zawk avangin tanlak lehzual a tul tih a ni a. Zau zawk leh mipui huam kim zawkin inzirtirna lam kalpui chhunzawm zel ni se, tih a ni.
Lawngtlai District chhung zirna in tinah a bik taka naupangte himna kawng ngaihtuahtu Nodal Officer ruat vek tawh niin, District chhunga naupangte him nana hma lakna tura rawtna hrang hrangte sawi ho a ni bawk.