Lawngtlai District ah Motor ziahluh ringawt pawh 8000 a tling tawh a, hmundang ang bawkin khawpui ah chuan motor pawh a tamlo theilova, motor a tam chuan khawpui pawh a chep ang chu, tih hi thudik a nihrualin, Lawngtlai aia motor tamna khawpui, a chep ang anga, Traffic mumal taka kalpuina a tam lutuk tih erawh hriat atha in a rinawm.
Traffic a mumalloh hian, Traffic Police te kan tinzawn nghal thin a, a dikna lai atam a, tun dinhmuna Lawngtlai Traffic amumal theihna tur chuan, awmzeneia ruahmanna kalpui a, Council leh State Sorkar lamin thawhhona tha an neih a pawimawh viauin a hriat.
Sorkar chuan ruahmanna eng anga tha pawhsiamin kalpuisela, mipuiten an zawm siloh chuan, Ui chhuah khap ang deuhvin, Dan thatak, awmzeneilo a nithei tih a chiang a, a nihna takah chuan Motor Vehicle Inspector ten lirthei khalh tlak a, lirthei khalhtuten an tihtur hria te hnen ah, khalh phalna an pechhuak a, lirthei khalhtuten an tihtur leh hawihhawmna an lantirnatur ang tamtak hi, lantir a nihloh vangin, Lawngtlai Traffic hi a mumallovin, a buai fova, khawpui himlo tak a nihphah ang tih hlauhthawnawm tak ani.