Covid 19 vei enkawlnatur DC in Damdawiin pathum a hotute kut ah a hlan

                Lawngtlaiah DC in Northeast centre for Equity Action on Integrated Development (NEAID)  atanga COVID-19 dona hmanraw hrang hrang an dawnte  vawiin khan  damdawi in hrang hrang hotute  kutah a hlan

          Lawngtlai DC,  Dr Andrew H. Vanlaldika hma laknaa Northeast Centre for Equity Action on Integrated Development (NEAID), Guwahati atanga Lawngtlai District-a COVID-19 hri leng dona atana hmanraw mamawh hrang hrang dil chhuahte chuan vawiin khan Lawngtlai a thleng a. Heng bungruate hi Lawngtlai DC  Dr Andrew H. Vanlaldika chuan   Lawngtlaia damdawi in pathum - District Hospital Lawngtlai, Lairam Christian Medical Centre & Hospital leh Christian Hospital Lawngtlai hotute kutah a hlan.

            Lawngtlai DC   Dr Andrew H. Vanlaldika chuan Lawngtlai District-a hri leng dona atana mamawh chi hrang hrang an thlente ngai pawimawha Northeast centre for Equity Action on Integrated Development (NEAID) , Guwahati te, Crypto Relief India nen tang kawpa an rawn luang chhuak chu lawmawm a tih thu sawiin,  Northeast centre for Equity Action on Integrated Development (NEAID)    leh Crypto Relief te thil tha tih chu Lawngtlai District mipuite'n an hre reng tawh dawn a ni, a ti.

           Northeast centre for Equity Action on Integrated Development (NEAID)   te'n Crypto Relief nen tang kawpten Lawngtlai District a  Covid 19 hrikai te enkawlnatur an  thawn hi, Damdawi, PPE Set leh hmanraw dangte, a vaiin     cheng nuai 15 man hu vel  a ni.