CADC a CEM in banna a thehlut

         Chakma Autonomous District Council a Chief Executive Member, Durjya Dhan Chakma,  chuan vawiin chawhnu dar 3 khan CEM atanga a banna a thehlut.

        Durjya Dhan Chakma, hian CEM atanga a banna hi Chakma Autonomous District Council Chairman kaltlangin Governor hnen ah a thehlut a, Chief Executive Member atanga bangta,    Durjya Dhan Chakma chuan, [The Lawngtlai Post]Chakma Autonomous District Council tan leh MNF party tan a dinhmun atanga ban chu tha a a hriat vanga banna thehlut a nih thu a sawi.

            Durjya Dhan Chakma hi Kamalanagar North atanga MDC atan thlantlin niin, kumin April 6, khan Chief Executive Member atan Lawngtlai Addl.DC Pi Marilyn Rualzakhumthangi chuan rinawmna thuntiamtirin a lalut a, tunhnai ah CEM lakah hian [The Lawngtlai Post]  mipat hmeichhiatna lam hawi ah Chawngte Police Station ah FIR thehluh a lo ni tawh a, heivang hian MDC 10 chuan CEM atanga bangturin an nawr lai niin, amah Durjya Dhan Chakma hian, a laka FIR thehluh chu intihmualpho tumna leh inpharrukna a nih thu a lo sawi tawh ani.