Lai DCC ten Raltlan tanpuinan Rs 20,000/- Central YLA kutah an hlan

    Vawiin khan Myanmar atanga Raltlan te tanpuina atan Lai District Congress Committee chuan Central YLA kutah Rs 20,000/- an hlan.

    Central YLA Office a tanpuina hlanna hun ah hian Central YLA General secretary Pu JH.Lalrindika chuan Raltlan dinhmun report tawi pe in, tun dinhmunah Lawngtlai District chhung khaw hrang hrangah, Myanmar atanga kan Unau raltlan mi 2607 an awm mek tih sawiin, Report an dawn dan chuan mi 7000 bawr vel hi Raltlan lolut tur an la awm mek thu a sawi bawk.

    LaiDCC President Pu J.Ropianga chuan Myanmar ram buaina avanga Lawngtlai District chhunga  raltlante chhawmdawlna kawnga Central YLA hnathawh chu fakawm atih thu sawiin,heng raltlante tana ram mipui te tanrualna avanga an tana tanpuina lut tawh zawng zawng avanga mangang lova an awm thei chu Lairam mipuite chungah an lawm hle tih a sawi bawk.

    Central YLA kutah hian Raltlante tanpuina tur Kohhran leh Pawl leh mimal anga pekkhawm hi Thawmhnaw leh Bungbel, Pheikhawk leh Pawisa fai engemawzat alut tawh a, hengte hi Raltlan awmna khuaah te a remchandan anga semdarh nghal zel a ni.