Faina, Kan in leh a chhehvel atangin tih thupui hmanga kar khat chhung awh tur Faina Hapta 2021 Lawngtlaia hman chu, LADC CEM Pu V. Zirsanga’n nimin, Inrinni zing khan a hawng.
Faina Hapta hawnna hun Lawngtlai Areopagy a neih ah, Pu V.Zirsanga chuan Faina leh Thianghlimna hi kan thinlung atanga chhuak anih loh chuan min tibuaitu mai a ni tiin, pawn lam a Faina ringawt chuan tawp chin a nei thin. ram ropui apiangin Faina leh Thianghlimna an uar a, hnam ropui an nih zia a tarlang thin ani a ti a. Thil hi a awmna tura awmtir hian kan fai a ni mai tiin, Lawngtlai District ah erawh thil a awmna tura awm lo atam aniang, Zirtur leh Zirtir tur kan la tam hle ani ati a. Faina leh Thianghlimna hian Hnam a khawih a, Hnam fing leh ram ropui kan enna leh kan ngaihsanna chu an khawlai leh an in leh a chhevela faina an lantir vang ani, Faina Hapta kan hman hi karkhat chauh awh tur nilovin, kan damchhung atana Faina leh Thianghlimna min neihtirtu atan i hmang theuh ang u ati.
Pi TT. Beikhaizi, District Project Officer, UD & PA kaihhruai a Faina Hapta hawnna inkhawm ah hian Rev.R.Laldawngliana UPC Mizoram chuan hunserh hmangin, Pi VL. Ramnunsangi, District Manager, UD & PA . Lawngtlai chuan Azadi Ka Amrit Mahotsav kalpui mek report pe in, Faina leh Thianghlimna inzirtirna pakhat atan bawlhhlawh paih mai tur hman tangkai theih a nih zia lantir nan Waste to Art Exibition buatsaih ani thu leh mi 18 lai an tel thu sawiin, he Programme hnuaiah hian Bawlhhlawh thliar hran chungchangah In zirtirna hun hman anih tawh thu a a sawi a . Faina kawnga hmalakna pakhat atan Lawngtlai Khawpuia Veng 12 ah mi pakhat zel Ambassador ruat an nih thu leh An ni nen UD & PA chuan hma an lak ho tur thu a tarlang bawk,
He hunah hian Pu C.Lalhruaitluanga, DIPRO kaihhruaina in Faina leh Thianghlimna kawnga intiamna neih ani a. LADC hnuaia Sanitation Department a thawk, Faina leh thianghlimna kawnga hmala tha mi 35 hnenah Ceriticate hlan an ni a. Mimal hnathawk tha ah hian Pi Lalnunpuii, Lawngtlai Bazar Veng leh Pu Vanlalzauva, Lawngtlai Bazar Veng te chu thlan an ni.
Azadi Ka Amrit Mahotsav hman chhung hian
1. Bawlhhlawh thliar hran dan te inzirtirna hun neih ani.
2. SHG member ten Door - to-Door Campaign on Waste Segregation te an nei a
3. Mobile Van hmangin vantlang hmunah te aurinna hmangin mipui te hnenah bawllhlawh tawih theilo hmang tlem tur te leh bawlhhlawh tawih thei leh theilo te thliar hrang turin zirtir na pek ani.
4. Community Toilet/Public Toilet enkawltute hnenah zirtirna pek ani.. hetah hian My Toilet App hmandan zirtir niin mipui Community Toilet/Public Toilet an hmana rating an pekna tur apps ani.
5. Waste to Art Exhibition te pawh hman niin hetah hian participant 18 awmin top 3 te hnenah certificate leh pawisa fai lawmman atan pek ani.
6. Sanitation Worker te zingah Covid 19 dose full a la lo te tan lakna hun buatsaih sak ani bawk
7. Azadi ka Amrit Mahotsav hi 2nd October,2021 ah hman zawh niin.. 2nd Oct,2021 Cleanliness Week Hawnna inkhawm ah sanitation worker 35 te hnenah chawimawina certificate hlan ani