Nimin April 6, 2021 khan Y.L.A Council Veng Branch, Lawngtlai te chuan Dated 27th march a Lawngtlai District chhung, T.Dumzau khua kangmei tuarte ṭanpuina chu a hmunah kalin an hlan.
Y.L.A. Council Veng Branch hruaitute hi T.Dumzau khua khawtlang hruaituten Community Hall kawt aṭanga lo hmuakin pawisa Rs 3,9000 mutbu,thawmhnaw,bungbel leh an mamawh tur hrang hrangte an hlan a ni. Pu Johnny Zothansanga, Secretary Y.L.A. Council Veng Branch chuan T.Dumzau khuaa kangmei tuarte an tawrhpui tak zet tih sawiin, tawrhna lam mah nise he vanduaina hian Hnam leh hnam inkarah kan in unauna ṭhaṭzia a lantir a,kristian kan nihna pawh a tilang chiang hle a ni a ti.He tawrhna hian Bru leh Lai fate inkarah inlaichinna ṭha zawk siam sela,he vanduaina hi hnam leh hnam inkarah malsawmna leh inlaichinna ṭha siamtu lo ni zawk rawh se a ti.
