Tuichawng Group YMA Conference, Damdep-II a neih, Pu S.Kaptluanga SDO(C) Chawngte in a hmanpui

    Nizan atanga  tan Tuichawng Group YMA Conference vawi 26 na Damdep - II a neih chu Vawiin khan  Vantlang inkhawm neih a ni a, chawhnu lamah Rorelna neih a ni

    Tuichawng Group YMA  Conference ah hian Chawngte Civil SDO, Pu S. Kaptluanga chu Khuallian niin, Central YMA Fin Secretary Pu Roneihthanga chu khual zahawm a ni.

      Zirna uar tih thupui a hmangin thusawi ngaihthlak a ni a, Ram leh hnam dinchhuahna leh chawikanna ber chu zirna tha hi a ni tiin Pu Roneihthanga Central YMA Fin. Secretary chuan a sawi.

 

      Khuallian, Pu S. Kaptluanga chuan  Ngaihhlut tur dik ngaihlua, taima taka thawkin mahni intodelh thei tura, zirna tha bei in, rinawm leh dik taka ram leh hnam siam tha turin a chah a ni.

      Bangladesh ramri depa awm Tuichawng Group YMA ah hian Branch 11 an awm mek a ni.