OFFICE OF THE LAI DISTRICT CONGRESS COMMITTEE, HQRS: LAWNGTLAI. CONGRESS BHAWAN, BAZAR VENG - 796891. Phone - (03835)232075
PR.No 03/2021.
PRESS RELEASE
LADC CEM PU MANGHMUNG CHINZAH HIAN LAI FATE HNENAH THINLUNG TAKIN NGAIHDAM DIL RAWH SE
Lawngtlai 3rd April, 2021: LADC Budget Session 2021 neih zawh takah khan Lai Autonomous District Council Chief Executive Member Pu Manghmung Chinzah in date 30th March, 2021 a LADC Session House zahawmtak chhunga "Mizo kan ni a, kan duh emaw duh lo pawhin Mizo kan ni hrim hrim" a ti leh, "a mimal taka intih Lai em em hian eng min pe hran lo" a ti leh zel hi Lairam leh Hnam a hmuhsit zia a tarlanna niin kan hria a. LADC kan neih hnua Session awm tawh zawng zawnga Session rapthlak leh lungchhiat thlak ber a ni kan ti a. Hetiang taka Lai Hnam zahpuitu CEM kan nei ta hi vanduaithlak kan tiin pawi kan ti takzet a ni.
Laifate hi hmanlai atangin Mizo kan ni ngai lo a, kan Pi leh Pute chanchin mithiam tak tak ten an ziah atang pawhin Mizo kan ni ngai lo a ni tih a chiang hle. Tin, Constitution of India (Scheduled Tribes) Order 1950, Part II Sl/no 10 ah chiang takin 'Any Mizo (Lushai) Tribes tih a ni a, keini erawh chu Mizo kan nih ve loh avangin Sl/No 13 ah a hranin dah kan ni a. Lushai Hills District Council pek an nih rualin, Pawi-Lakher Regional Council pawh a hran hlakin pek kan ni ve zawk a ni.
LADC Chairman Pu V.Zirsanga pawhin Constitutionally a Mizo kan nih loh zia pawh a hrilh mawlh mawlh chunga, House Leader berin kan Hnam Lungphum leh Sorkar ti derthawng zawnga Mizo kan ni a ti lui tlat leh, "mimal taka Lai nih hian eng min pe hran lo" a ti hi, MNF Sorkar CEM Pu Manghmung Chinzah hi hmawcharauin a tawng niin a lang a, Lai a nih ve avang chauha LADC Member pawh vawi 7 teh meuh thlan tlin a ni zawk tih hi hre thar leh se kan ti a ni.
Chuvangin, Lai District Congress Committee chuan hetiang taka Lai Hnam a thamlohna kan ram rorelna sang bera a ti lang leh, Aizawl lama Mizo National Front hotute a tlawn a vanga a Hnam pawh a phatsan ta mai hi na kan tiin, Hnam pawikhawihna ni ah kan ngai a, Laifate hnenah Press Conference meuh koa ngaihdam dil ngei turin kan phut a ni.
ISSUED BY: LAI DISTRICT CONGRESS COMMITTEE, HQRS: LAWNGTLAI