Hmawngbu Maxicab Welfare ten Lawngtlai MVI chawimawina an hlan

       Vawiin Inrinni khan Hmawngbu Maxicab Welfare chuan  Pu Joseph Lalthansanga Pachuau, MVI Lawngtlai chu Hmawngbuchhuah BDO Chawlhbuk ah chawimawina hun an buatsaih.

              He hun,  hi Tv. Vanlaltanpuia, Hmawngbu Maxi cab Welfare President chuan kaihruaiin,  Pu Joseph-a chuan, chawimawina an hlan chu phulo a intih thu sawiin, a ni chuan, a hna chu a theihang tawka rinawm leh tha in a thawh mai thin thu a sawi a, hmalam hun ah pawh, dan bawhchia an awm a nih chuan, dan angin an chungah hremna a lek zel tur thu a sawi a, chu chu Sorkar in titur a a duh leh sorkar hna a thawhchhan tihhlawhtlin chu a tihtur a nih thu a sawi.

                    Pu Joseph-a hi Hmngbu Maxi cab Welfare te chuan chawimawina thuziak an hlan a, an Welfare,Uniform thar a tlangzarh nghal a, Welfare tanpui nan Pu Joseph-a nupui, Pi H.Hranchhingpuii'n Rs.5000/- Hmawngbu Maxicab Welfare hruaitute hnen ah a hlan,

                Hmawngbu Maxi cab Welfare hnuai ah hian tun dinhmun ah Member 35 an awm mek a, heng khua 16 te hi Welfare ah hian an tel. 1. Saizawh East 2. Kawrthindeng 3.Ngengpuitlang, 4.Tuidangtlang 5. Tuidangchhuah 6.Hruitezawl 7.Tuithumhnar 8.Darnamtlang 9.Sabualtlang 10.Lunghauka 11.Zochachhuah 12. Hmawngbuchhuah 13.Model 14.T.Dumzau 15.Laitlang 16.Hmawngbu te a huam a, Hmawngbu Maxi Cab Welfare hi Lawngtlai District  ah chuan Maxicab Welfare lian ber an niin kan hria.

                Vawiin a Lawngtlai MVI chawimawina hun hi Paithar Maxicab Welfare bak ah Lawngtlai atangin mi engemawzatin an tawiawm.