Member 35 nei, khua 16 lai huam,Hmawngbu Maxi Cab Welfare chuan MVI Lawngtlai chu chawimawina an hlan a, chawimawi tlak ten chawimawina nopui an dawmna ah ngai an thahnem viauin a rinawm a, heihian, he ram hi, a kal mai mailova, faktlak leh chawimawi tlaka hnathawkte chuan hriat an hlawhna ram a ni tih a lantir ngeiin a rinawm.
An chawimawi tak hi, pa luruhring, midangte thatna tur a nih dawn chuan tawngkam bungrua pawh duhtui lutuklo a ngaihtheih lek lek chi a ni maithei, hemiphen ah hian, dikna leh rinawmna chu a inphum a, chu lunghlu inphum chu khuhbo theih a nilova, a eng chuan mipui mit a tivar a, chawimawi phulo inti ngawih ngawih chu chawimawi a ni ta a nih kha.
Sorkar hi mipui vanga awm a ni a, Sorkar hnathawkte hi, mipui tana thawk an ni a, Lawngtlai MVI hian Sorkar nihphung a pholang a, a enkawlna hnuaiah tanpui ngai a tanpui a, ama fapa ngei pawn, a pa chu awlsam takin a paltlang mailo a, midangte tih ang a tihve tho a ngai.
Enghnapawh thawk ila, mirinawm leh tihtakzet a thawkte hian a tawpah fak an hlawhin, hlawhtlinna pawh a chang nge nge thin a, Hmawngbu Maxi Cab Welfare ten, chawimawi phu ni a an ngaih an chawimawi mai hi an entawntlak a, an chawimawi berin, min chawimawi mah ula, dan in bawhchhiat chuan ka man dawn tho che u, a han ti te kha a ropui dan hi a thuk riau a nia.