Nimin chhun dar 11 vel khan, Lawngtlai District chhung, Hmawngbu khuaah chenna In pahnih chu bungrua chuhhmanlohvin a kangral
In kang hi Pu Sankima In ve ve niin, pakhat hi in neitu Pu Sankima ten an luah a, In dang pakhat hi Lairam Isua Krista Baptist Kohhran Missionary Nula Chanchinmawii luahlai niin, In kan chhan tak hi hriat ni lo mahse, eirawngbawlna mei tihmitloh emaw, Gas leak vang emaw anih rin a ni
Pu Sankima In hi Vety Dept. Rural Animal Health Centre bul lawka awm a ni a, RAH hi a kangkai hman tep a, mi tlawmngai ten an veng him hram a ni.
Kang tuarte chhawmdawl hna hi nimin vek khan khawtlang chuan an thawk tan nghal a, chanchin lakkhawmlai hian engtianginnge chhawmdawlna thawhzuidan tur a ruahmanna an siam hriat a la nilo.
Hetihlai hian kar kalta Inrinni chhun a chenna In 28 kanna T.Dumzau ah pawh chhawmdawlhna thawh chhunzawm zel a ni a, In sawm vel sak zawh a ni tawh a, rellai engemawzat a awm mek bawk. Thilpek petu leh anmahni tanpuitute chungah T.Dumzau khawtlang chuan lawmthu an sawi.