Ram thalai a kangchhia a, chenna In a kangral a, hetiang vanduaina hi Lawngtlai District hian a tawk leh thin a, kan duh vanga thleng nihauhlo mahse, engtinnge hetiang thil thleng thin hi a ziaawm theih ang tih hi, mutmawh, hnarmawh a neih a tul viauin a hriat a ni.
Kumtina kangmei ven hapta hman thin hian awmzia a nei nasain, hma pawh kan sawn phah tih hi phat rual a nilova, hetihlai hian, a bikin, thingtlang lam hi duh angin a thleng phalo deuh em aw, ngeni a, a thleng pha tehmeuh a, awmzia a la neitamlo zawk ?
Tunhnaia Lawngtlai District a kangmei chhuak bik chauh nilovin, Kangmei chhuak tamtak hi chu fimkhurloh vang a nifo tih a chiang a, helai tak hi, mipui nawlpuiin kan vei a tul a, mi za zingah pakhat inthlahdah a pawithei a, In za khuaah, In khat fimkhurloh a pawithei a, kan vaia fimkhur tlan hi, kan vaia himna tur chu a ni.
Kangmei chungchang a inzirtirna hi uar zawka kalpui a tul a, tihhluai ngawt a fuhber lova, sawireng ngai, inzirtir reng ngai a ni a, chutiang titur chuan Sorkar emaw YLA emaw enzawn ngawt chi a niberlo. Mitin hian kangmei laka fimkhur dantur chu hrelo a awmtheihloh hial ang. Chhungkua ah tun aia nasa zawka kan inzirtir a, kan fimkhur a tul in a hriat a ni.
Thil hi a pawihnu chuan a nihturang a nizo tawh thin a, kangmei hi kan tawrh loh nan a pawimawhber chu kangmei laka fimkhur ani tih i hre thar teh ang u.