Mizoram hmun hrang hrangah kangmei chhuak hriattur a awm a, Bungtlang South ah phei chuan chenna In engemawzat a kang a, a pawi tih hian, a pawizia a hrilhfiah zolo ang.
Kumtinin Fire Prevention Week behchhanin, tullova kangmei tihchhuaklo tura inzirtirna, kangmei laka fimkhurna lam hawi inhrilhhriat nan ten, week hi hman a ni thin a, nimin leh vawiin khaikhin chuan a hlawkna hmuhmai a har deuh thei a, kum li, kumnga kalta leh tunhun khaikhin chuan, mipuiin kangmei laka fimkhur a tulzia an hriatna hi hmasawnna chhuanawm tham a tling maithei.
Kumtina ramkang kan buaipui fo thin hi, engvanga chhuaknge, tutenge a tikangtu tih lam hi chhui a ni em, a titute hrem an ni em tih lam aiin, ramkang bik phei chu, a nawlpuia inrawlhlohna, mitlemte te te thiltih a nih a rinawm a, heng mite hi Sorkar in inzirtirna a kalpuiin a thlenphak veloh, fimkhurnachang hre lo leh fimkhur duhlote vang a ni tih a hriat a, engtianga tih chi nge nita ang le ?
Sorkar hian kalphung pangngai a lo hmanrim em em, a nawlpuia kangmei laka fimkhur tura inzirtirna hi chawlhsan silovin, khawtinah indapchhuakin, helam hawia kaihhruaingai deuh ni a langte luhchilh tel hi a hun viau tawh in a hriat a ni.