Bungtlang South ah In 14 a kang , ramkang dang ven mek ani.

Vawiin chhun dar 1 chhovel khan Bungtlang South khawbul kang chuan chenna In mankaiin, Bungtlang South BDO hnen atanga kan dawn danin  In 12 a kangfai vek a, Indang pahnih chu a thenlai a kang,  khawtlangin kang thelh hna hi thawk mahse, khua a rovin, kangmei hi a chak em vangin thelhmih maitheih a nilova, vanneihthlak takin nunna chan leh hliam tuar an awmlo niin kan hria. Kangmei chhuahna lai hi kawngpui atanga BDO Complex panna bawr vel niin kan hria.

Lawngtlai bul Thingkah ram a 3IR Batallion hmuntur, tuna CCC atana hmanmek bul kang pawh, pawi nasazawk khawih lovin Thingkah khawtlang leh mitlawmngai leh Fire Service tangkawp ten an veng thei a, kangmei chhuak zeltur hi venchhunzawm reng a la ni.

Mampui khawbul kang pawh khawchhung kangkai lovin ven theih a ni rih a, hmundang atanga kangmeichhuak, khawchhung leh ram dang kankai hlauhthawnawm a la awm vangin Mampui khawtlang a thalai kumtling chinte kangthelhtur hian an chhuak

Phawngpui tlang bulthut, South Lungpher ram kang pawh, tukin atangin thelh niin, a zualpui chu thelhmih a ni tawh a, kangmei hian Phawngpui tlang a kankailoh nan a ven hna thawh mek a ni.

Lawngtlai Dist chhunga hmun hrang hranga kangmei chhuak vang hian Lawngtlai DC Dr.Andrew H.Vanlaldika chuan ruahmanna hmanhmawh siamin, Bungtlang South ah kangtuarte tanpuina hmasa peturin Official lam tirh nghal a ni a, kangmei chhuahna hmundang pawh Official ten thilawmdan an vil reng bawk.

Central YLA hruaitute chuan vawiin khan Bungtlang South an pan nghal a, Lawngtlai West bialtu MLA Pu C.Ngunlianchunga paw'n, Bungtlang South a kangmeituarte a theih ang angin chhawmdawl an nih tur thu a sawi.

Lai Autonomous District Council a DM&R Nodal Officer Pu Thathluna Chinzah pawhin Bungtlang South hi pan nghalin, thiltul pawimawhte a bawhzui nghal.