Hriattheih chin ah tun Ni hnih chhungin Lawngtlai District chhung ah hmun 16 ah kangmei chhuakin, vanduaina lianzawk a thlenloh nan thelh mek a ni a,
Lawngtlai District a kangmei chhuak chungchangah hian vawiin khan Lawngtlai DC Dr.Andrew H.Vanlaldika chuan Lawngtlai a thuthar lakhawmtute kawmin, khaw hrang hranga mipui inpekna vangin vanduaina lianzawk District in a tawk rihlo tih sawiin, Central leh Branch YLA, VC leh pawl hrang hrangte inpekna chu hlu a tih thu a sawi a, Lawngtlai DC chuan tun dinhmun ah kangmei chhuak hi thelh mek niin, boruak duhawmlo thleng a awm a nihloh chuan mipui tan a hlauhthawnawm rihlo a ti a, Phawngpui National Park pawh nguntaka ven niin, kangmei hian a la thlenglo a ni a ti, DC chuan Tourism Minister Pu Robert Romawia Royte bak ah Lawngtlai East leh West MLA ten theih tawp an chhuah thu a sawi bawk.
Kangmei chhuak vangin Lawngtlai khawpui leh District chhung hmun engemawzat chu vawiin hian meikhuin a bawh nasa hle a, Lawngtlai Doctor te chuan mipuite chu pawn chhuak tamlo tur a ngenin, ngun zawka hmaituam tur leh, inchhungah boruak tichhe theitur, Electric Fan leh hmanraw dang te hmang uar turin an chah.
Sorkar chhinchhiahna a landanin, kangmei chhuahna hmunte hi
1. Sangau -II
2. Cheural
3. Lungtian
4. Sangau-IV
5. Lungpher South
6. Thingkah
7. Mampui
8. Bungtlang South
9. Vathuampui
10.M.Kawnpui
11.Chawnhu
12.Hruitezawl
13.Ngengpuikai
14.Tuithumhnar
15.Sabualtlang
16.Ngengpuitlang te an ni a, report hi danglam thei dinhmun ah a ding mek a, DC Office lam chuan an ngaichang reng.
Tags
News