Pathianni atang khan chenna In sakna tur hmanrua, a theih ang angin lakkhawm tan nghal a ni a, Chanchin buatsaihlai thleng hian, In panga sakzawh tawh niin, panga dang rel mek a ni a, heng In sakzawhsa te hi luahluh nghal zel a ni. Nimin khan khaw thenawm, Zochachhuah, Hmawngbuchhuah, Dumzautlang, Laitlang leh Darnamtlang ten hnatlangin chenna In sak hna hi an thawk a, mi 300 vel an thawk chhuak.
T.Dumzau a chhawmdawlna lam buaipuitu Pu Lalzirtluanga'n The Lawngtlai Post a hrilhdanin, chhawmdawlna Buhfai, bungbel leh mutbu lam te thahnem tak an dawng tawh a, nimin thleng khan pawisa ringawt pawh Rs 724900/- a tling tawh a, tanpuina lutzat hi a luhbelh reng vangin la danglam chho viau tuar a ngaih a ni.
T.Dumzau khua tanpuina hi a lalutreng a, Sorkar bak Central YLA ah Young Lai Assiciation Branch hrang hrang ten tanpuina an chhunglut deuh reng a, Kohhran leh tlawmngaipawl dang engemawzat an chhechhuak bawk.