Myanmar ram buaina vanga mipui tawrhna rapthlak tak thleng mek chuan khawvel a tuam chhuak a, Myanmar nen ramri thuitak intawm, Lawngtlai District a tlawmngaipawl lianber YLA pawn kawng hrang hrangin buaina vanga lotihve theih awm te a ngaihven reng a, nimin khan Sit-in-Demonstration a buatsaih ta anih kha.
Central YLA President thusawi kha, minutes li bawr vel chauh a ni awm e, mahse, a ropuiin, harsatna tawk mekte tan a va thlamuanthlak dawn ve le.
Myanmar ram tawrhna hi YLA chuan a enliam mai mai dawn lova, inhumhimna zawnga rawnlut te chu, eng anga dodalna nasa pawh awm dawn mahsela, YLA chuan a ngaihvenin, a tlanchhiatsan ngai dawn lova, lo mikhualturin a inpeih tih chu Central YLA thuchhuak a ni tih President thusawi atangin a chiang a, YLA nge nge kan tih hi a bang thei dawnlo.
Chanhai riangvaite puitu YLA chuan a tihtur a hailo mai nilovin, huaitakin a kaldantur chu khawvel hriat ah nimin khan a puangchhuak a nih kha, YLA ah tunge rinna nghatlo ngam anga, tunge thlamuanpuilo awm thei ang le.
Eng dinhmun ah pawh ding ila, inhumhimna zawng a rawnlut hi engzat pawh lo awmsela, ram aiawhin CYLA President a tawng tawh a, chu chu ram mipuiten an zui maitur a ni a, YLA Member tinte, nu leh pa inpekna nasa zawk mamawh hun a awm thei tih i hria ang u.