Chakma Autonomous District Council a CEM, Pu Rashik Mohan Chakma chuan nimin khan CEM atanga a banna, CADC a Deputy Chairman Pu Mahesh Baron Chakma kaltlangin Mizoram Governor hnenah a thehlut.
CADC a BJP, MDC paruk te chu nimin khan, Chawngte a MNF party Office ah MNF District Hqrs President Pu Rashik Mohan Chakma kaihhruai inkhawm ah Sport Minister Pu Robert Romawia Royte chuan MNF Party ah a lawmlut a, tihian tundinhmun ah Member 20 awmna Chakma Autonomous District Council ah MNF chuan Member 18 neiin, BJP in Member 2 an nei mek.
CEM atanga bangta Pu Rashik Mohan Chakma chuan, The Lawngtlai Post zawhna chhangin, lungawilohna a neih vanga, CEM atanga bang a nihloh thu sawiin, an Party chhungkua a insiamremna vanga bang a nih thu a sawi.