Kumin December ni 4 ah Sorkar dinglai Term tawp tur Lai Autonomous District Council ah, Council inthlanpui neiturin State Election Commission ruahmanna hnuaiah hmalakna kalpui mek a ni a, nimin khan, he inthlanna a hmantur Electoral Roll thar siamtur a behchhantur Draft Electoral Roll chu District Election Officer,Dr.Andrew H.Vanlaldika'n a tlangzarh.
Nimin a Draft Electoral Roll tlangzarh tak ah hian MDC bial 25 awmna LADC ah vote neithrei mipa 25612 awmin, Hmeichhia vote nei 26179 an awm a, vote neithei zawng zawng hi mi 51802 an ni.
Inthlanpui neih hnuhnungber kum 2015 aiin tun inthlanpui neihtur atan a Draft Electoral Roll ah hian vote neithei mi 5397 in an tam a, LADC ah hian Polling Station 111 awmin a tuldan azirin Returning Officer in Polling Station hi a siambelh dawn a, Lawngtlai DC chuan hrileng vangin Polling Station siambelh ngai a awm nual a rinawm thu a sawi.
Draft Electoral tlangzarhna ah hian Political Party aiawh leh Chanchinbumite an tel a, Lawngtlai DC chuan Electoral Roll rintlak, felfai tak neitur chuan tanrualna tha, rilru dik neih a pawimawh a ni a ti.
Electoral Roll thar siam tur atan hian nimin atang khan sawitur neite tan hun hawn nghal niin tunthla ni 23 thleng hun hawn a ni dawn a, Final Electoral Roll hi tunthla ni 29 ah tlangzarh tur a ruahman a ni.