Nimin khan LADC a CEM, Pu T.Zakunga chuan Lawngtlai Bazar a BJP Office a tlawh a, Pu T. Zakunga CEM.LADC chuan vawiin ni a kan thil tawn mek hi kan ram leh hnam tana chhinchhiah reng tawh tur anih ka beisei ani tiin, BJP hi kan ram hmasawnna tura Party rintlak leh belh tlak ani tih hria in, kei leh ka thawhpui te chuan, Congress Party a lungawi lohna engmah nei lovin, BJP hi kan . zawm ani ati.
Pu Kungtea chuan kan ram hmasawnna atan thuneihna sang zawk kan neih theihna tura kawng in hawng mek kan zawh mai hi, ram leh hnam hmangaihtute chuan kan tih mai tur ani a ti a, BJP sawi selna leh sawi chhiatna Social Media ah te hmuh tur atam chu pawi a tih thu CEM chuan sawilangin, , ngun taka ngaihtuahna kan sen a, hmasawn zel duh tute chuan BJP tan hma i la tlang ang u tiin, tun a BJP an zawm hian, an mahni thlang tlingtu an Bial mipuite duhdan a kal an nih thu leh LADC inthlanpui neih turah pawh Sawrkarna lak ngei a inrin thu sawiin, Sawrkarna siam thei ngei turin theihtawp kan chhuah dawn ani ati.
He hunah hian Pu JB. Rualchhinga State Vice President BJP Mizoram leh Pu Delson Notlya, Secretary, State BJP te pawhin thu an sawi.
LADC a Congress Legislature Party chuan tunhnai khan BJP Legislature Party dinin, LADC ah BJP kaihhruai Sorkar, CEM Pu T.Zakunga kaihhruai chu a ding mek a ni.