District Council huamchhung a Polititics inlumletnasa lutuk thin hian hnam hmel a tibal a, Politics inlumlet hian enge hlawkna a hrinchhuah tih lai hi a chhut peih tan chuan chhut tham a awm in a rinawm.
Khawilai atangin nge hetianga rahchhan mumal pawh nei hleitheilova, Council hruaitute hi siam an nih thin tih lai hi a hnuk puiber niin a hriat a. Chhan mumal awmlovin District Council Area a hruaitute hian, a rah hmin tamna zar ah an ban kai zung zung thin em, tihlai te hi mipui lamin an chik peih a tul a, kan Politic hrim hrim hi1an ram hnuk a khawihpha em tihte pawh hi Voter ten an thlir thlen a hun viau tawh in a hriat a ni.
Politics ball mawl tak tak hi kan Politician te hian mipuite an la hlui fo em ? State leh Central Sorkar apiangte khuangben rual a lam lo thai ve zel tur kan ni em ?
Tute hian nge min hmangaih a, tutenge kan belh ang tih chu ram hruaitute chuan an zawn a ngai, a pawimawhlai chu, anni kan belh hian kan ram hian eng dinhmun nge a thlen theih ang, atakin ram hi siam a ni thei angem tih hi a ni a, kan Politician te hian, a zar hmintha, mipuite nen an eiho theihtur an zuan em, ram dam na nge kan ngaihtuah keimahni lam damna tih hi inzawt fo teh se.