Pang Zirlai Pawl, General Headquarters Vathuampui, Lawngtlai District chuan zirtîrtu aikal chungchánga hmalakna an neihin awmzia a neilo ni a hriain, vawiin khan tiamchin awmlovin Scvhool pathum, Chikhurlui Middle School, Chamdur Project RMSA (High School) leh Chamdur Middle School te an khar.
Pang Zirlai Pawl hruaituten an sawidanin, Chamdur Project RMSA (High School) ah zirtîrtu panga an awm a, pahnih chauh an kal thin a, Mizo zirtirtu phei chu office lamah dah a ni. Middle School pawh zirlai naupang 37 lai neiin zirtîrtu pakhat chauhvin a enkawl a, Headmaster hi vawi khat mah school a la rap lo . Zirtîrtu indaih lohna a nasat laia hetia hmundanga dah leh school la kal lo te pawh arang lama sawrkar in an thawhna hmunah dah vat tùrin an ngèn a, an ngennain awmzia a nei lo a nih chuan a tûl angin hma an lakzui tur thu an sawi.
Chikhurlui Middle School-ah thawktu pathum an awm thin a, pahnihin transfer an dil avàngin pakhat chauh awmin, chu pawh chuan aikal a chhawr a, nikum (2025) November atangin school vawi khat mah hawn a nih lo niin an sawi bawk.
Pang Zirlai Pawl chuan Mizoram sawrkár chu zirtîrtu aikal là te leh an thawhna hmuna vawi khat mah la kal lo te chu an chungah hremna lek tùrin an phût tlat tih an sawi bawk.
Tags
News