.jpg)
Khasi Students Union chuan lungawilohna lantirin, tharum thawhna a thleng nasaa, Assam nen an innawrna pawh boruak a lian chho viau a nih kha.
Meghalaya ah khuan a ram neitu Khasi te nekchepin an awm nasain, kawng hrang hrang, Sumdawnna leh Sorkar hna, Inhmun loram thlengin a ram neitu a inchhalte chimral an ni nasa a, chu chuan nghawng a nei chhoh ta fo niin a hriat.
Tun dinhmuna Maghalaya nena khaikhin chi rual a nilo tawp ang, Mizoram dinhmun chu, Mizoram dinhmun chu thuhranah pawh dah ila, Lawngtlai dinhmun atanga tehfung lek pawn inchimralna ti a sawitur em chuan Lawngtlai dinhmun hi dinhmun chhia a la nilo ang.
Inchimralna hi zanhnih khat, kum hnih thum a thleng nghal rup rup a ni lova, zawi zawiin a inmun chhova, chu chuan kua a hreuh thuk zela, inchimralna ti a sawingam hi a thleng chho thin.
Tun dinhmunah Lawngtlai khawpui ringawt thlir pawn, inchimralna bultan nana tha zawng zawng hi a intan chho em aw, tiin a ngaihtuah theih. Sumdawnna lamaha nise hnamdang kuta lut a nasa, kawthler thlir ila ngaihtuahzui duhtan ngaihtuah zuitur a tam takzet.
Non Tribal leh ramdangmite hi a bena benrem ngawt chi an nilo, an tan kawng hawnglotur chuan an tih ang tihpeih a pawimawh. Tun ang zela kan awm chho a nih chuan Meghalaya dinhmun hi hlatakah a awm lo tawp anga, KSU ten siamthat hleihtheih tawh mangloh hnu a hma an lak ang hi kan tawk fo theiin a rinawm.