LADC inthlanna a hmantur Electoral Roll siam hna chu thawh mek a ni a, sawitur neite tan hunhawn mek a ni a, hun hawn chhung a reilo a, sawitur neiten ngaihpawimawh a tha viau in a rinawm.
Hetihlai hian Official lam chuan MDC inthlan dawn ah vote transfer a tam thin ni a ngaihtheih in sawi an nei a, heihian Electoral Roll a tifelfailo tih an sawi a. Council inthlan dawn ah khawi bial ah emaw an vote an transfer a, inthlanna dang a awmdawn in, an transfer leh thin ni awm tak a ni.
Hetianga mahni awmna hmun ngai a vote neih mai duhtawklova, tute emaw vote an duh vanga an vote transfer thin te hi an lo awmfo a nih chuan, Voters an nihna an hmandan ah, mipangngai tak ah pawm an harsa theiin a rinawm a, mirintlak, khua leh tui diktak tana tih a mawilo ni a a lan vangin, vote transfer ah hian transfer awm ang a ni em tih ngaihtuah chian a pawimawh in a rinawm.
Electoral Roll siam nan a mawhphurtute pawn hetiang mite dilna an dawng a nih pawn an hnawl ngam a tha a, Political Party leh Candidate nihtumte pawhin, hmundang, bialdang atanga midang senglut lovin, inthlanna hi hmachhawn ngam se, chu chu Politician diktak ten vote an khawnna atan pawh a zahawm zawk a ni.