Zirtawpni a Lawngtlai District Hosipital a Zirlai, Lawngtlai pawnlam a zirna chhunzawmtur te Hripui laka an him leh himloh enfiah zing ah hrikai pahnih hmuhchhuah a nih vanga Lawngtlai a Veng pathum Containment Area a puan chu vawiin hian ennawn a ni ang.
Zirlai endik, kum 18 ve ve, mipa leh hmeichhia ten hri an kai tih hmuhchhuah vanga, Lawngtlai Vengpui, Vengtpui-II leh Electric Veng te District Magistrate in Containment Area a a puan chu vawiin hian thlirnawn a ni dawn a, heng Covid 19 Positive hmuhchhuah te hnaivai a awm mi 25 te chuan hri an kailo tih finfiah a ni a, fimkhur thil ah an chetvel atanga hri kai hlauhthawnawm zual a ngaihte chu khauh zawka inkhunghrang tur a tih an ni.
Cointainment Area ah Veng pathum puan a nih vangin, Inrinni leh nimin lam ah Lawngtlai khawpui chhung a thawl viau a, Lawngtlai DC Dr. Andrew H.Vanlaldika chuan mipuite chu hrilak a an himna tur a tihtur leh tihloh turte ngaipawimawh zual deuh deuh turin a chah.
Vawiin Meeting ah hian hnuchhuina kalpuidan leh hmalakdan te thlirho a ni anga, Containment Area a puante chu puan chhunzawmzel a ngaih leh ngaihloh chungchang ah thlutlukna pawh siamfel nghal a nih a rinawm.