Hrivangin kumin March thla chawhnu lam atangin nunphung a pangngai hleithei lova, Lockdown, Containment Area, Positive tih leh tawngkam eng eng emaw chu naupang thlengin hrilhfiah hran an ngai tawhlo.
Inkharkhip hi enghun ah pawh tawk thut thei reng kan ni tih hi kan pawm ngam a tha a, he hrihian engchennge min chenchilh dawn kan hre silo.
Khawtlang hruaitu thenkhat te ngaihtuahna tibuai thintu pakhat chu, hri vanga khuahkhirh kan nihin, tlakchham kan nei hma lutuk hi a ni` a, heitak hi a huhova sutkian hleihtheih nisilo, chhungtin ten inennawn kan ngaihna lai niin a hriat a, chhungtin te dinhmun a inchenlo tih chu sawi ngailova hriatsa a ni a, chhungkaw pangngai taka ngaihte pawn, ni hnih khat tla em pawh, chhungkaw mamawh inchhekkhawllo a awmtheih viau mai tih chu kan huntawn mek a duty thinte hian an hre viau awm e.
Ni hnihkhat inkharkhip lailawk ang chi te, a aia reizawk pawh tawk thei kan ni a, heng hun ah hian duty te tibuailo zawng leh thenawm khawveng ten an ngaihsak ngai lo zawng a, a inchhekkhawl thei chuan, kar hnih khat tla tal hi chu nei lawk ila, hnawhsarum a thilleikan tum thinte hi a ziaawm phah ang.