1 Lawngtlai DC Dr Andrew H. Vanlaldika chuan October ni 16, 2020 khan Lawngtlaia 71 RCC (GREF) Officer Commanding (OC) chu lehkha thawnin, tualchung miten inhlawhna an neih theih nan leh COVID-19 hri leng karah an kawng enkawla hna thawktu (casual labour) tur hmun dang atanga chah lut lo va, a khaw mite hman tur zawng turin a hriattir a. Hemi bawhzui hian 71 RCC OC chuan ADC Executive Member-te leh VC leh tlawmngai pawlte kal tlangin hna thawktu (labour) tur zawngin, BRO hnuaia casual labour anga hna thawk duh mi 140 an hmu tawh a, inruai tura tih fel ngai hrang hrangte an tifel mek a ni.
71 RCC (GREF) OC R. R. Mishra chuan October ni 21 khan lehkha hmangin an hma lak mek dan hi Lawngtlai DC a hriattir a. An kawng enkawl lai pathum - L-D-P road-a thawk turin mi 80; T-L-L-L road-a thawk turin mi 20 leh Z-M-S road-a thawk turin mi 40 chu ruai turin hma an la mek a ni.