Hrileng vanga kan buai nasat dan kha kan hretheuh a, Lockdown ngat phei kha chu, eitur tlakchham aiin, hri hlauhna khan mipui a chiah hneh a, phun thawm hriattur a awm lova, he hri hi engtikah nge a reh dawn a hriat loh, engtinnge he hrileng vang hian sumdawnna bul kan tan ang ?
Aizawl lam ah chuan veng bil lockdown thawm kan hre chho zeuh zeuh a, chhungkua a inkhung hrang phei chu sawitur an tam, Lawngtlai hmabak hi hriat a nilova, hri hi a darh chhoh chuan Veng bil a inkharkhip pawh kan awm chho fo lovang tih sawilawk theih a nilo.
Vengtin ah hian a tithei deuh te hian, tuna Bazar a Vai dawr lian, a khawpumin kan dawr theih ang chi hi awm thluah sela, chutiang titheite chu veng ang pawn tangrual a, dawrbik ni thei hialsela, chu chuan sumdawnna kawng ah a ram leilungfate bung thar a kaitir ngei ngeiin a rinawm.
Engnge chhuanlam kan neih ? Abdula zingdar 4 ah tuichawi tur athawhtheih chuan, engvanginnge kan thawh theihloh bik ang. Direct a dawr bungrua lak hi enge a ramleilungfa ten an theihloh bik ang, hnamdang zawk pawn an laktheih chuan.
He hrileng vang hian vengtin hian awlsam leh him si a mamawh lamna tur Dawr lian mamawhna a nasa tual tual dawn, Dawrlian chuan dawrte zawk a chhawm zel tih a chiang a, hetiang zawnga harhna tal hi he hrileng hian rawn thlen se a duhawm ngawt in a rinawm.