Lai Autonomous District Council Sorkar dinglai term chu kumin Decenber ni 4 hian a tawp dawn a, LADC huamchhunga Political Party ten inthlan hmachhawn turin inbuatsaihna an kalpui mek a, State Election Commission chuan LADC Electoral Roll Summary Revision neih dan tur ah hriattirna a tichhuak.
Member 25 awmna LADC ah District Council inthlanpui neih na a hmantur Electoral Roll Summary Revision neih tur atan a behchhan a hmantur Draft E/ Roll chu rarleh Thawhtanni October ni 19 khian tarchhuah a ni dawn a, sawitur neite tan October ni 22 thleng hun hawn a ni dawn a, Final Electoral Roll chu tunthla Ni 29 khian tarchhuah a ni dawn a ni.
Hetihlai hian State a rorellai MNF Party chuan LADC a an Party Candidate tur te an siamfel tawh niin kan hria a, Nomination Board thutlukna hi puanzar erawh a la nilo a, reilote ah Candidate tur te hi a puan a nih a beiseiawm.