Sorkar hian lehkha pawimawh leh hmanhmawh thlak tak tak te a semdarh a ngai thin a, tlawmngaipawl leh pawl eng eng emaw pawn lehkha semchhuah hi an ngah thin viau bawk.
Social Media in hneh taka min chiah mek lai hian, tangkai zawkin hmang ila, lehkha semdarh nan pawh a tangkaiin, a dawngtur dik tak ten an dawn theih vangin a himin a awlsam em em a, paper leh sum leh tha, lehkha semdarhtur a buatsaih atanga semdarh thlengin senbelh a ngai lova, inrenchemnna tha tak a nih ngei a rinawm a ni.
Pawldang pawh an tam ang, MJA Lawngtlai District hian SMS chauh hmantheih a nih lai atang tawh khan Committee kohna hi lehkha in an sem ngai lova, tunhnu ah pawh social media hmangtangkai chhovin, chanchin inhrilh nan leh inrawnkhawm nan an hmangtangkai khawp mai.
NGO a ni emaw, Sorkar a ni emaw, lehkha semchhuah engemawzat hi chu, Social Media hmantangkai maitheih a niin a hriat a, helam hawi a kalphung herrem ngam an awm a pawimawh berin a hriat a, kan tunlai hrileng kar ah phei chuan Paper aiah Social Media hmantangkai hi kawng hrang hrang ah a himin, dan a neih hial thlak a ni awm e.