Lai Autonomous District Council a Congress Party Ticket a thlantlin MDC pali te chuan nimin khan Congress Party an chhuahsan.
LADC a Chairman nilai Paithar Bialtu MDC,Pu V.Zirsanga, Lawngtlai Vengpui bialtu Pu V.L.Hmuaka, Sangau South bialtu Pu S.T.Laldailova leh Sekulh bialtu MDC Pu Lallawmsanga Apetow te chuan nimin khan Congress Party a Primary Member atanga an banna, Lai District Congress Committee President Pu J.Ropianga Chinzah hnen ah an thehlut.
Banna an thehluh chungchang ah hian, LADC a Chairman nilai Pu V.Zirsanga chuan, Party a an nihna an bansan chuan, Council Sorkar a an dinhmun a sawinghinloh thu leh an kalzel dan tur ah tundinhmun ah sawilawk theih an neih loh thu, The Lawngtlai Post a hrilh.
LADC a CEM, Pu T.Zakunga chuan, Congress Party Ticket a thlantlin MDC pali ten Congress Party an chhuahsan chungchang ah, an mahni thlangtlingtu Party tan a an rinawmlohna chu kum kalta 2019 July thla khan an tilang daih tawh tih sawiin, heng mite hian Congress Legislature Partry an thlawpna chu an lo hnukdawk daih tawh a ni a ti a, tuna LADC Sorkar a dinhmun pawimawh luahtu Chairman pawhin a thian dangten an sawrkar thlawpna an hnuhdawh ruala an nihna an ban san ang in anihna pawh kalsan ngam ve mai tur a a ngaih thu The Lawngtlai Post a hrilh.