Hripui vanga harsatna nasa zawk kan tawh chhoh mek tur thu hi, mi tamtak in an lo sawilawk leh, helai column ah pawh kan lo sawi fotawh a ni a, hetiang a nih vanga tullova lo chiai chiam hian awmzia a neilova, engtinnge awmze nei zawkin hri hi kan do ang tih lai hi a pawimawh lai ber a ni.
Aizawl lam ah vantlang ah hri a darh mek niin a hriat a, heihian Lawngtlai lam pawh a tiralkhel viau a, hetihrual hian, engtianga inventur nge tih thuneitu lam ten an ruahman thuai a pawimawh a, zan curfew hi hmalakna langsar mipui huap a awm chu a ni deuh mai rih a, hemi piahlam ah hian awmze nei zawka hmalakdan hi thuneituten an ruahman thuai a pawimawh viauin a hriat a ni.
Kan tunlai boruak ah ngat phei chuan District Council inthlan turin boruak a nei chho mek a, Aizawl lam a zinchhuak pawh an awm zeuh zeuh in a rinawm a, an ni hi dem ngawt theih an nilo, Sorkar tan ngenna siam remlo chin pawh a awmtheiin a rinawm, heng ah hian NGO lam te pawn Political Party tinte hi an zawm ngei turin nem takin ngenna siam mai se chu chuan hri laka mipuiin hlauhthawnna an neihte pawh hi a ziaawm phah deuhvin a rinawm.
Hri vanga harsatna hi kan invenna a mumalloh chuan a nasa tual tual dawn a, mipui lam pawn, tullova pawnchhuah te hi a hlauhvin hlau ila, chhungah pawh kan insawithaih lolutuk hian hri hlauhawm hi kan hlauhloh phah a ni thei mai awm mange.