Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 96 a ni a. Lawngtlai District-a COVID-19 positive enkawl lai mi 4 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.
71 RCC-a hna thawk (worker) lo thlen belh mi 45 chu anmahni Camp-ah home quarantine an ni a. Khung hran hun bi hmang zo mi 2 (Tourist Lodge leh PWD Inspection Bungalow atangin pakhat ve ve) chhuahtir an ni thung.
ZMC-a RT-PCR test tura Lawngtlai District atanga swab sample thawn tawh zawng zawng 1333 chu a result hriat kim tawh niin, Lawngtlaiah TrueNAT hmangin sample 20 leh Rapid Antigen Test hmangin sample 48 endik a ni ve tawh bawk a. Tun dinhmunah positive case 33 hmuh chhuah tawh niin, dama chhuak 29 an awm tawh a, enkawl lai 4 an awm mek a ni.