Nimin khan Mizoram Government Driver Association Sub Hqrs Lawngtlai chuan an member full pension a chhuak mipathum thlahna hun Lawngtlai Press Club ah an hmang a, he hun hi Lawngtlai.District MJA President Lalngheta Ralte chuan a hmanpui.
Lalngheta Ralte chuan, mahni hna, rinawm taka thawkten malsawmna an dawng thin tih sawiin, Sorkar Driver te chu Sorkar chetvelna ah an motor chu an pi leh puten office pakhat a an hman a nih vangin, thu tamtak an hre ve thin a, Driver rinawmlo chuan tangkai taka chhawrzui an hlawh theilo a ni a ti a, tunlai ah tutemai pawhin lirthei an khalh thei deuh vek tawh a, lirthei khalh in a kentel pawimawhber hawihhawmna chu an Driver puite lakah chetzia piahlam ah a theih ang ang a zirtir thin turin a chah.
Mizoram Government Driver Association Gen Hqrs Aizawl ten an Member, Pension a chhuak an thlak tak te hi, Pu B.Lalpianga, Pu B.Kapchunga leh Pu Nothanga te niin MGDA Sub Hqrs Lawngtlai chuan thlahna thilpek an hlan tel bak ah, an Senior Adviser Lalngheta Ralte chu India rampum ah Covid 19 doletna atan Chanchinthar hmanga a thawhthat vanga AIR, News Division, New Delhi in chawimawina a pek lawmpuinan thuziak an hlan bawk.