Tun September thla atang hian Lawngtlai khawpui chhungah Raltlan leh Ramdangmi te Inluah remtih a ni tawh lo.
August 31 a Bawrhsap hova Dan leh thupek kenkawh chungchang thlira thukhawm chuan Ramdangmi leh Raltlan chungchang ngaihtuah telin, Ram mipuite himna leh dan thataka zawm a nih theih nan Ramdnagmi leh Raltlante chu Lawngtlai khawpui chhungah Inkluah remtih loh nise an ti a, hei hi DC, Village Council, Young Lai Association leh Police tanghovin hmalakna kalpui tur a tih a ni. Inluah remtihloh hian tuna luahlai mekte chu a huam dawnlo.
Veng tinah Ramdangmi leh Raltlan lut leh chhuak chhinchhiahna mumaltak neih tha an ti a, a bikin Raltlante zingah inhlawhfa an awm thin a, inhlawh duhte chu an dinhmun nguntaka thlir chungin khawtlang hruaituten hnathawh remtihna (work Permit) pechhuak thin se tih a ni bawk.
Tun dinhmunah Sorkarin a chhinchhiah danin Lawngtlai District ah Raltlan 7425 awmmekin, heng zinga 6064 chu Myanmar atanga rawnlut niin 1361 chu Bangladesh atanga lut an ni.
Tags
News