Vawiin khan Election Commission of India in ruahmanna a neih angin, Lawngtlai District Election Officer, Pu Donny Lalruatsanga kaihruaiin a Office Chamber-ah SIR 2026 Final Electoral Roll Tlangzarh tur chungchang sawiho a ni .
Pu Donny Lalruatsanga chuan SIR 2026 tluang taka kalpui niin, tunah engkim peihfel vek tawh a ni, a ti a. Electoral Roll - felfai leh thianghlim tak awm tura rim taka thawktu Election Officer leh a thawhpuite, ERO, AEROs leh BLO- te an fakawm hle a ti a. Thawhpuitu tha tak tak zingah Central YLA, MJA, Khawtlang hruaitute leh Political Party - ten theihtawp an chhuahpuinaah lawmthu a sawi a. Lawngtlai District- bikah harsatna tam tak karah thawhhona tha tak avangin 'Final Electoral Roll' tlangzarh theih a ni dawn a, a lawmawm hle a ni, a ti. DEO chuan 'Final Electoral Roll' tlangzarh a nih hnuah pawh tihfel ngai tam tak a la awm dawn a, thawhhona tha awm zel turin kalkhawmte a sawm nghal bawk.
Pu Collin Hlychho, Election Officer chuan Lawngtlai District chhunga Assembly Constituency pathum; Tuichawng, Lawngtlai West leh Lawngtlai East a SIR 2026 kalpui dan tlangpui leh hmalakna hrang hrang a sawi a. EROs leh AEROs - te hnen atangin 'hearing' an neih dan report-te ngaihthlak nibawkin, zawhna leh chhanna hun hman a ni.
Ruahman dan chuan Final Electoral Roll- hi September ni 7, chawhma dar10:30 ah DC Conference Hall-ah tlangzarh a ni ang.
Tags
News