A bikin Myanmar, Rakhine State lam ah thil hrang hrang thawnluh a ni a, helaia sumdawnna hi Sorkar hriatpui a nilo tih chu hriatsa a nih rualin, mamawhna in a sitlu miauva, keimahni lam pawn he sumdawnna hi a hlawkna kan lo tel ve miau vangin nataka hmalak a harna chin a awm tih a hriat a, Central Sorkar International Politics atang a ngaihzawn phei chuan hmalakin awmzia a neih vak a rinawmloh chang pawh a awm maithei.
Tunhnai maiah AOC venga YLA Duty ten Auto Rickshaw an man pathum chu Assam Police ten an lalet a nih kha, a pawilai ber nita a lang chu dan kalh rau rauvah, rukruk nen a inzawm tlat nen lam Lawngtlai District paltlanga sum zawnna lama chetlakna aawm ta hi a ni.
Thil nihphung pangngai deuh chu ramri kham harsa lutuk lovin a awmsa a, dan a ni emaw nilo emaw lam chu thuhran nise, mahni mihringpui ten ei leh bar leh silhfen an tlakchham ai chuan a petheitu ten an pe hi a Mizo viaua, hemi karah hetia ngaih pawha dan kalh leh dan bawhchhiatna ani tih chiangsa lutuk thlenga Lawngtlai District hi a kalkawng a nih erawh tutemah hian an remtih a rinawmloh.
Ramria sumdawnna hi tun aia vei a tula, Sorkarin a tihtheih chin natakin tise, Tlawmngai pawl lamin an tihtur nasa zawka an tih pawh a tula, ram leh hnam, khawtlang hmingmawilo thin tuamdam tur hian hmala theiten theihtawp an chhuah zual a tul viauin a hriat.