Nizan zanlai dar 12 bawrvel khan, Lawngtlai a AOC Veng Branch Young Lai Association duty te'n Assam lam atanga rawn ruk ni a hriat Auto Rickshaw pathum, Registration plate pawhthlak vek chu an Duty post ah an lo man. Heng Auto Rickhaw tehi KMMTTP Road kaltlangin Myanmar lama hralh tum nia hriat a ni a. Vawiin khan Assam, Patharkandi Police kutah hlan nghal a ni.
Tunlai hian Assam lam ah Lirthei - Auto Rickshaw leh Two Wheerlers rukbo tam hle a heng lirthei rubo tute hian Lawngtlai kaltlangin Myanmar lamah hralh an tum thin ni a hriat a nih vangin Assam Police ten a theih ang angin an chhuizui a, tun tuma Auto Rickshaw an ruk pawh hi Lawngtlai ah hian Patharkandi ( Assam ) Police te chuan an rawn umzui ani.
YLA , AOC veng Branch ten Lirthei an man thu hi Lawngtlai Police leh Magistrate lam pawhin an hriat veleh helai hmun hi an thleng ve nghal a. A mantu YLA, AOC Veng Branch bakah, Magistrate leh Lawngtlai Police te nen tihfel ngaite Patharkandi Police te nen an tifel nghal.
AOC veng branch YLA te'n Auto Rickshaw pathum an lo man bakah hian Lawngtlai District pawn lama man pali nen vawiin khan Assam lamah phurhthlak a ni.
Tags
News