Pu H. Vanlaltanpuia, chuan Zirtirtuten naupangte hmakhua ngai 'Science Exhibition' an buatsaih chu lawmawm a tih thu a sawi a. Zirlaite tana hmasawnna rahbi pawimawh tak a nih thu sawiin, kum dangah pawh nei zel se a duh thu a sawi. Khuallian chuan 'Theory' piah lamah a Practical - a thil tih hian thiamna a tichiang zual hle a, zirlaiten an hlawlpui ngei a beisei thu a sawi.
Khualzahawm Pu H. Sangthanga, DEO pawhin thu sawiin, Science Exhibition - chuan zirlaiteah chona leh phurna nasa tak a siam dawn a ni, a ti a. Zirna kawnga theihtawp chhuah turin zirlaite a chah nghal bawk.
Science Exhibition - ah hian zirlaite'n science project - an siamte, experiment, model, invention, research leh discovery- 28 ah te inelna an nei a. Dr. C. Lalfakawma, Sr. Scientist, KVK chuan 'Career Guidance' chungchangah zirtirna a nei bawk a ni.