Ruihhlo fihlimna Khua 12 hnenah Minister Pu B.Lalchhanzova'n hriatpuina a hlan.

India rampuma Ruihhlodo beihpui thlakna kalmek Nasha Mukt Bharat Abhiyan hnuaia Lawngtlai District a beihpui thlakna peng pakhat, Drug Free Village hriatpuina, Minister Pu B.Lalchhanzova'n a hlan.

Nimina Lawngtlaia Independence Day lawmna ah Minister hian Khua / Veng 12 hruaitute hnen ah Ruihhlo fihlimna a an mahni an inpuan hriatpuina hi a hlana, Lawngtlai Bawrhsap kaihhruaina hnuaiah Lawngtlai District a Khua 187 te chu Ruihhlo a an fihlim theih nan hmalakna kalpui niin, he beihpui thlakna hi kumin April 10 khan LADC a Chief Executive Member Pu C.Lalsawmzuala chuan hawngin, ruahmanna siam lawk angin kumina Independence Day lawmna ah Ruihhlo laka fihlima inpuangte hnen ah Minister hian hriatpuina a hlan a ni.

Pu B.Lalchhanzova'n hriatpuina a hlan, khua 12  te chu, 

1. Sangau II
2. Sentetfiang
3. Tuithumhnar
4. Hmawngbu
5. Rulkual
6. Kamalanagar- I
7. Kamalanagar -II
8. Kamalanagar-III
9. M. Kawnpui
10. Bungtlang 'S' -I
11. Hmunnuam
12. Cheural  te a ni.