.jpg)
LADC Session neihzawh takah khan Private Member Resolution, Hnamdang tawng Burmese leh Hindi zir rawtna chu passed a ni a, Social Media lam ah pawh chaizui a hlawh viau a, a puluttu atangin fiahtaka sawi ni mahse, a zung atanga en lovin, a ler atanga lo thuaitu tan chuan thil tul lemlo ah ngaihmai theih a nih rualin, mahni hnam tawng ngaihhlut duhlohna lam kawhtir tumte tan pawn tanhmun eng eng emaw han sawhnghehna tur chu a awmthei awm e.
Kha Resolution kha Lai tawng hnualsuatna leh dahhniam tumna lam nilovin, Thalaite hmalam hun thlirin, Sorkar atang ringawt chuan hnemhnanpui tham hna leh hamthatna dang a awm thei silova, reiloteah Act East Policy puitling maitur hmalama inchhawp reng nen, Lawngtlai District chu sumdawnna hmunpui a ni dawn a, hetah hian hnamdang tawng thiam ringawt pawh eizawnna tham a tling dawn a, helam hawi hian hmalak nise tih chu a tumber niin, hetiang ngaihtuahna nei roreltu an awm hi a vanneihthlak khawp mai.
Engtianginnge Sorkar in kha Resolution kha a bawhzui dawn a hriatlohva, hnathar siam belh leh Sorkar insen belhna lam hawi ai mahin, mimal hmangchang hria leh rintlakte dawmkanga, thalaiten tawng dang an thiam theih nana hmalakna kalpui theite zawngchhuaka hmalak hi a tihtur niin a ngaihtheih ruaka, chu chu Resolution a taka a puitlin nan pawn a thaber hialin a rinawm.