Mizoram Sorkarin dan kalha Family Pension late Sorkara in hriattir tura hun a hawnmek chungchangah vawiin khan Lawngtlai ah Family Pension late kokhawmin thil nihdan hrilhfiah an ni.
He hun hmanpuitu Lawngtlai Bawrhsap Pu Donny Lalruatsanga chuan Sorkar chuan a hnuaia hnathawkte duhsakna a neih theih ang ang pein a enkawl a, Sorkar hna an thawhtheihloh hnu leh an mahni pawh an boral hnuah pawh a chhungkaw tan Sokar chuan hamthatna a siama, he Family Pension hi diktaka kalpuitur a nih laiin, Sorkar atanga hamthatna dawn rem tawhlo, Family Pension la si an awm chu a pawiin, dan palzutna a nih bakah a Kristianlo a ni a ti a, hetiang mi Lawngtlai District a (The Lawngtlai Post) awmte chuan Sorkarin huntha a hawnlai kumin September Ni 30 hmain thuneitute hnenah kalin inchingfel turin a chah a, hun hawn laia inchingfellote chu Sorkarin a zawnchhuah tho dawn vangin an tan phurrit a tling thlei dawn a ni a ti.
Lawngtlai a Family Pension chungchang zirhona hi Pu PPL Hrangkhama Treasury Officer in kaihhruaiin, Family Pension duan a nih chhan leh a tum leh hriattur pawimawh hrang hrang te, Pu Lalremzuala Assistant Audit & Account Officer, Southern Zone Lunglei in a sawifiah a, chahwnu lam ah Pi Jothansangi Chief Judicial Officer Lawngtlai in dan kalha Family Pension late hremna chungchang kalkhawmte a hrilhfiah.
Treasury Office Lawngtlai atangin Pension la mi 1017 awmin heng zinga 400 chu Family Pension la an ni.
Tags
News