Fur pui laiin chhiatna leh harsatna hrang hrang thlengte chu Lawngtlai Bawrhsap Pu Donny Lalruatsanga ruahmanna hnuaiah sutkian hna thawh thin niin, hmalakna hrang hrang a theih ang angin kalpui reng a ni.
Lawngtlai khawpui chhunga leimin leh min hlauhthawnawma awmte chu khawtlang hruaitute nen tanghovin DM&R Lawngtlai chuan a ven hna thawkin, Silpoulin engemawzat pekchhuah tawh niin, heihian chhiatna thleng palh thei a veng viau in a hriat.
Lawngtlai District chhunga inkalpawhna kawngpui pawimawhte chu leiminin a hnawh zeuh zeuha, a bikin Cheural bul leh KMMTTP kawnga Chatuan leimin te chu harsatna thlen nasat thinna hmun niin, Cheural bul hi BRTF lamin a theih ang angin an thianfai deuh reng a ,KMMTTP kawng hi Mizoram PWD lamin an vil thung.
Chhiatrupna leh harsatna a thlena thuneitute biakpawh theihna tur Bawrhsap Pisa lamin an tlangzarh chu harsatna tawkten an tangkaipui hle.
Tags
News