Lawngtlai DC chuan Pawisa khawn chungchangah DC leh DC Office in inrawlhna an neilo a ti.

Vawiin khan Lawngtlai DC, Pu Donny Lalruatsanga chuan Lawngtlaia Thuthar thehdarhtute kawmin, tunhnaia Social Media lam a darh, Lawngtlai paltlanga Myanmar a luhpuitur bungrua phur luttute ni a ngaihtheihin , Lawngtlai daiah DC hriatpuina a pawisa lo khawn an awm ni a sawi chu Lawngtlai Bawrhsap Pu Donny Lalruatsanga chuan engmah hetiang lam hawiah Lawngtlai DC in inhnamhnawihna a neilo tih sawiin, he inpuhna hi an ngaithutak hle tih a sawi a, thil awmdan chhuichiang tura hmalakna kalpui a(The Lawngtlai Post) nih thu leh he inpuhna a mawhphurtu zawng chhuaka an phutawk hremna lek a nihtheih nan hmalakmek a ni a ti a, Lawngtlai Police ten nguntakin an chhuimek a ti.

Lawngtlai Bawrhsap chuan Lirtheia bungraw phur an ni emaw, thildang ah pawh District Administration chuan chhiah laktheihna dan a neilo tih sawiin, Lawngtlai DC lantel theihna turin engmah hetiang lam hawiah hmalakna DC leh DC Office in an neilo tih a sawi bawk.

Video thehdarhah hian Myanmar a phurhluh tur Scooter phur ni a insawi Driver ni a ngaihtheih chuan Lawngtlai bul ah an motor tidingin pawisa chawitir an nih thu leh DC pawhin a hriatpui niin pawisa chawitirtute chuan an sawi niin a sawi.