Bawrhsap leh CEM in khawpui chhunga hmasawnna hnathawh thenkhat an tlawh.

August 29, 2026  tlailam khan Lawngtlai Bawrhsap Pu Donny Lalruatsanga leh LADC a Chief Executive Member Pu C.Lalsawmzuala ten Lawngtlai khawpui chhunga hmasawnna hnathawh thenkhatte an tlawh.

Lawngtlai khawpuiin kawng hrang hranga hma a sawn theih nan kil hrang hrang atangin beihpui thlak a ni a,  District Administration leh LADC tangkawp chuan Tho Law Dir Tuah (Stand Up Lawngtlai) hnuaiah Bawlhhlawh paihna hmunte chu bawlhhlawh awmlohna ah siamin, thut chawlhnate siam a ni a, Damdawiin hung pawn ah Meizu thinte tan hmun siamsakin, kawngpui pawimawh laiah kawng thenhrangtu te siam a ni a..

Bana kaih hnuaiah District Catalytic intervention Plan hnuai ah hmuhpawimawh kawhhmuhnate tar niin, Thlakakna hmanga khawpui vilna (CCTV) hmun pawimawh zualah vuah a ni a, he hmalakna hnuaiah hian thildang tamtak kalpui a ni bawk.

Veng hrang hrang ten faina leh thianghlimna bakah inrelbawlna felfai zawk an neih nan intihsiakna Bawrhsap Award siam a ni bawk a, Kohhran Thalai te tan faina lama inelna  CEM Award kalpui mek a ni bawk.

Bawrhsap leh CEM chuan Lawngtlai khawpuiin hmelthar a hmu chhomek chu lawmawm an tih thu an sawi a, Sorkar leh mipui tanhona chuan rahtha a chhuah zel an beisei thu an sawi.