Vawiin khan Lawngtlai District Thingkah High School Sawrkarin Provincialise tawh Lumpsum a adah let leh duh lo in Khawtlang an pungkhawm a, thu leh awm hma chu High School Zirlaite leh Zirtirtute School kal an remti dawn lo.
Tun hnaia Mizoram Sawrkarin High School engemawzat an dinhmun a dah hniam zingah Thingkah High School a tel ve chu lungawilo in Khawtlang huap Joint Committee huaihawtin kawng an zawh a, Kawng an zawh hma hian High School tualah mipui pungkhawm in, Mizoram sawrkarin an Khuaa High School Provincialise tawh Lumpsum a a dah thla leh chu a ngaiah min dahsak leh rawh se tiin an au rual a. School naupang leh Zirtirtu School kal turte chu lo dang in an hawtir a, Sawrkarin an School chu a pangngaia a dah let leh hma chu School an kalh tur thu Joint Committee Chairman VCP Pu A.Sangvela chuan a sawi.
Thingkah High School hi kum 1995 khan din ani a. kum 2003 ah Sawrkarin Lumpsum ah a dah a, kum 2008 khan Adhoc Aided ah dah chho leh in, 2023 khan Provincialise ani a, 2024 khan Provincialise atangin Adhoc a dah let leh niin, kumin 2026 a Mizoram Sawrkarin High School engemawzat a Downgrade zingah an tel ani;.
Tun dinhmunah Thingkah High Schoolah hian Zirtirtu 6 thawk mekin Zirlai 35 an awm mek.
Tags
News