Faina lama intihsiakna, CEM Cleanliness Competion ah Kohhran Thalai lam hawi ani dawn.

Lawngtlai khawpuiin kawng hrang hranga faina leh thianghlimna a hma a sawn theih nana Lai Autonomous District Council hnuaia hmalakna peng pakhat CEM Cleanliness Competion chungchang, vawiin khan CEM, Pu C.Lalsawmzuala hovin, a Office Chamber ah sawiho a ni.

Pu C.Lalsawmzuala chuan faina leh thianghlimna chu awmzenei zawk, daihrei, mipui thinlungah fai leh thianghlim duhna tuh chu LADC Sorkar chuan a duh ber tih a sawi a, huamzau taka helam hawia hmalakna District Administration in a kalpui rualin, LADC chuan Lawngtlai khawpui tan a bikin Kohhran huang chhungah faina lam beihpui thlakna kalpui tumin ruahmanna a siam tih a sawi a, he hmalakna ah hian tutemah an bang thei lova, kan vaia tanhona atanga a hlawhtlinna kan hmuhtheih tur a ni a ti.

CEM hova thutkhawm ah hian in tihsiakna endiktura ruat mipathumte chuan ngaihpawimawh an neih hrang hrangte sawiin, Kohhran hrang hrangah hmalakna hmasa atan helam hawi leh a kaihhnawihte ,hmalakdan turte inhrilha, inzirtir phawt nise an ti.